Ua faailoa e le Peresetene o Lusia o Vladimir Putin o loo iai le naunauta’iga o Lusia e tau pea se’ia oo ina ausia ona faamoemoega uma e tusa pe lē malie ane Ukraine i se maliega.
O ana faamatalaga ia na faia i Saina a o iai i le savali tele a le militeli a lea atunuu na faia ananafi.
Fai mai le BBC sa taumafai Trump e faasufi Putin ia faauma loa le taua i Ukraine peita’i e ui sa viia e Putin le naunauta’iga o Trump ae na te lē o faatinoina lava se gaioiga i lea tulaga.
O atunuu e pei o le UK ua o latou faaalia lo latou foi naunau e faaopoopo ona una’ia Putin i le matāupu lea ma o le a faaopoopo foi fesoasoani mo Ukraine ina ia mafai ai ona faaauau pea le latou finau.
O loo faamatamata tetele ane pea e Ukraine le mumusu o Putin ma lana vaega i se fonotaga ma e ao a ona faia pea sā a Amerika i luga o Lusia.
O le masina o Fepuari 2022 na osofa’ia ai e Lusia lona tuaoi o Ukraine lea la o loo faaauau ai nei le taua.
Puna o Faamatalaga: https://www.bbc.com/news/articles/c4g7dze5n1vo
