Ua faailoa e le ta’ita’i o Ukraine, Volodymyr Zelensky o le a malaga i Take poo Turkey e faatalitali ai se tali ane a Vladimir Putin i lana folasaga ua sauni e talanoa mo le faamutaina o le taua i Ukraine.
Fai mai Zelensky o le a faatino mea uma ia faamautinoa ai e taunuu sea talanoaga.
O le taimi mulimuli na talanoa faafesagai ai ta’ita’i o atunuu e lua o le 2022 a o tau amata ane le osofa’ia e Lusia o Ukraine.
O se faamatalaga mai le Kremlin ua ta’ua ai o loo faaauau pea tapenaga a Lusia mo feutana’iga, ma e na o le pau lea o le faamatalaga o loo mafai ona faia mai i le taimi nei.
O loo feta’ua’ina foi le galulue nei o le iuni a Europa mo le tuufaatasia o nisi o sā e ono tuuina ia Lusia pe a faaauau pea ona lē taliaina le taofia o vesiga i Ukraine mo le 30 aso e pei ona o latou mua’i faailoa atu iai.
Puna o Faamatalaga: https://www.bbc.com/news/articles/c04e775gg77o
