Na malosi osofa’iga a Lusia ia Ukraine i le faai’uga o le vaiaso aemaise i le faaaogāina o drones.

Fai mai e 273 drones na faaaogā i le po e tasi mo le faatinoina o osofa’iga na aga’i sa’o lava i le faaitu o Kyiv ma maliliu ai se tamaitai e 28 tausaga ma manunu’a ai isi e to’atolu e aofia ai ma se tamaitiiti e 4 tausaga le matua.

O le tele o osofa’iga e faatino i le po ma o loo aga’i tonu i pitonuu e pei o Kharkiv, Sumy, Donesk ma Cherkasy.

O le vaiaso nei o loo tālia ai se talanoaga a Trump ma Putin i luga o le telefoni ina ua lē auai Putin i le valaaulia a Zelensky i le vaiaso talu ai la te talanoa i Take.

E to’atele o loo tulimata’ia le i’uga o le talanoaga lea a Trump ma Putin mo le aga’i i luma o le sa’iliga o se filemu mo Ukraine.

Puna o Faamatalaga: https://edition.cnn.com/2025/05/18/europe/russia-largest-drone-attack-ukraine-war-intl