E lē o iai le suafa o Vladimir Putin i le lisi o sui auai o Lusia o loo fuafua e aga’i ane i Istanbul i Take mo talanoaga o se filemu i Ukraine.

Na manino le folasaga a le ta’ita’i o Ukraine o Zelensky sa fai atu ia Putin ina ia aga’i ane i talanoaga ia e feutaga’i ai peita’i o lipoti i le asō ua faailoa ai e lē o aofia atu le suafa o Putin i le lisi o sui o Lusia ua faamoemoe e auai i ia talanoaga.

O le a ta’ita’i ane le auusufono a Lusia e Vladimir Medinsky o le lagolago a le Peresetene.

Ua lipotia le malosi o le finau ane a le fitafita a Lusia i Ukraine ma ua toe faoa nisi o teritori sa maua e Ukraine aemaise lava i le itu i Sasae o le atunuu.

O ananafi na tau faaata ane ai e Trump lona ono auai ai i lea fonotaga peita’i la o lipoti lata mai a le CNN ua ta’ua ai le lē o aofia atu o Putin i le lisi o le auusufono mai Lusia.

O loo tālia pea la pe o le ā le tulaga o le a iai ia feutana’iga.

Puna o Faamatalaga: https://www.bbc.com/news/articles/cpqe9g0vn57o