Ua viia e le Peresetene o Lusia, Vladimir Putin taumafaiga a le pulega o le faigāmalo a Trump ina ia taofia le taua i Ukraine ma faailo ane e ono iai se maliega e faatatau i ‘au’upega niukilia ma lona faatonutonuina pe a faataunuu le feiloa’iga ma Trump i Alaska.
O le ulua’i faamatalaga faalaua’itele lea ua faia mai e Putin talu ona folafola e Trump le la feiloa’iga lea.
I lea la fonotaga na faia ai faamatalaga ia a Putin na ia ta’ua ai foi o le feiloa’iga ma le Peresetene o Amerika ina ia faatulaga ni aiaiga mo le filemu i le va o atunuu aemaise i Europa ma le lalolagi ato’a.
Na ia ta’ua foi e mafai ona ausia lea tulaga e ui na te le’i faamaninoina pe faapefea.
Puna o Faamatalaga: https://edition.cnn.com/2025/08/14/europe/putin-trump-alaska-nuclear-meeting-intl
