Ua mae’a le talanoaga a Trump ma Vladimir Putin sa faia i luga o le telefoni ma ua faailoa e Trump o le a amata vave loa feutana’iga a Lusia ma Ukraine mo le taofia o le taua.

Ua mae’a foi ona talanoa Trump ma le ta’ita’i o Ukraine o Volodymir Zelensky ma ta’ita’i o Europa ma le faamoemoe ia taofia loa ia vevesi.

Faamatala e Trump o aiaiga o ia feutana’iga o le a tuu atu lava i le va o atunuu e lua ae o le la talanoaga ma Putin sa matua’i tulaga lelei lava.

Faailoa foi e Putin i le CNN ua sauni Moscow e galulue faatasi ma Ukraine i se maliega e faataatia ai le faavaa o se lumana’i manuia o atunuu e lua.

Na faamanino foi e Putin o le mea e ao ona faamauina o le mea aupito sili ona lelei mo latou, o le aveese lea o le mafua’aga tonu na afua ai le vevesi.

O loo tālia nei la le isi laasaga a Ukraine ma Lusia poo afea o le a amata ai talanoaga.

Puna o Faamatalaga: https://www.9news.com.au/world/russia-ukraine-ceasefire-talks-to-begin-immediately-after-putin-call-trump-says/e6aa5681-65e9-478a-8c96-45be4ec6948e