E lua ni mafui’e na faamauina le lūlū i itu e lata ane i Waikato, i le aai o Tokoroa i le vaveao o le asō, Aso Gafua 21 o Iulai.
E tusa ai ma lipoti tauala mai le RNZ, mai le vaega o le Geonet na lipotia, pe tusa o ni nai minute i le itula e 2 i le vaveao analeila, na faalogoina ai le ulua’i mafui’e e ta’ua e 3.7 lona malosi.
Ae le’i umi lava, poo le te’a teisi lava o le itula e 2 na toe lūlū ai le isi mafui’e e tusa lea ma le 3.2 lona malosi.
Ma i faamaumauga a le Geonet, i le fuaina ai o le lūlūina ma le mamao i lalo o le ‘ele’ele o le mafui’e, na ta’ua e 5 kilomita le mamao i lalo i le ‘ele’ele.
E tusa ai ma faamaumauga i luga o le initaneti, e silia ma le 700 tagata na o latou lipotia le faalogoina o le lūlū ai o nei mafui’e i le vaveao analeila.
Puna o Faamatalaga: https://www.rnz.co.nz/news/national/567511/small-earthquakes-rock-waikato-overnight
