E to’afitu alii ua molia i le faaoolima i le mae’a o le feta’ua’ina o le latou osofa’ia o ni tagata se to’alua i fafo tonu o le ofisa o Iran i Lonetona i le taimi o faia ai se solo tetee.
Ta’ua mai e le BBC o leoleo na tali ane i le lipoti o se vevesi na tupu i le nofoaga lea i le itu i Sisifo o Lonetona fai mai na o latou maua atu le faaoogalima lea ma faaopoopo ane ai ma isi leoleo i le nofoaga.
O i la’ua e to’alua o loo lipotia le aafia e 37 ma le 39 tausaga le matutua, ua ave atu i le falema’i ma e tigāina manu’aga.
Fai mai e to’avalu na pu’eina e leoleo i lea matāupu ae to’afitu lea ua molia ma ua taofia e toe tutula’i i le faamasinoga i le vaiaso nei.
O loo lipotia o i latou ua molia e eseese uma vaega o le atunuu e aga’i ane ai e aofia ai London, Liverpool ma Birmingham ma ua faatulaga nei le poloka o le ofisa lea o Iran mai le toe aga’i atu iai o ni ‘au solo tetee.
Puna o Faamatalaga: https://www.bbc.com/news/articles/c994x4yxer5o
