Ua faamamafa le faatāua ai e le Tupu o Salesa II sootaga tāua i le vā o le United Kingdom ma Farani ao ia faafeiloai atu le Peresetene o lea atunuu o Emmanuel Macron i lona atunuu. E tolu aso o le faigamalaga a le alii peresetene i le UK ma o le a talimalo ai le tupu ma lana masiofo i Windsor Castle.
Fai mai Salesa o atunuu ia e lua o loo fesagai ma le tele o faamata’u ma e eseese uma itu o loo aga atu ai peitai o le avea o ia atunuu ma uo ma paaga e mafai ai ona fesagaia faatasi ia lu’itau.
Saunoa foi Salesa i le sootaga o atunuu e lua i le tala faasolopito. Ao lei malaga ane i Peretania sa faia se faamatalaga a Macron i luga o upega tafailagi e faapea o le UK o se paaga tāua tele ma o se uo.
O le la sootaga ua autausagā e faamalosia e o la talafaasolopito ma le malosi o le talitonuina.
O le 2023 na asia ai e Salesa ma le masiofo ia Camilla le atunuu o Farani.
Ta’ua e le CNN o le mataupu faatatau ia Ukraine leisi mataupu o loo laualuga i talanoaga a taitai o atunuu e lua ae le gata i lea o le itu tau le puipuiga ma femalagaaiga.
Puna o Faamatalaga: https://edition.cnn.com/2025/07/08/uk/king-charles-macron-state-visit-intl
