Ua folafola e atunuu o Peretania, Kanata ma Ausetalia lo latou amana’ia aloa’ia o le setete o Palesitina a o faaauau ai pea gaioiga a Isaraelu i totonu o Gaza lea o loo finau atu atunuu ia ua tatau ona faamuta loa.
O atunuu uma ia e tolu o nisi o paaga malolosi a Isaraelu mai le tele o tausaga ua tuana’i.
Ua faailoa i lipoti a le CNN ua mae’a faailoa foi e Portugal o latou ua amana’iaina foi le setete o Palesitina ma ua feta’ua’ina foi le ono lagolago iai o Falani ma isi atunuu.
I le tali ane a le Palemia o Isaraelu o Benjamin Netanyahu i le matāupu lea ua ia faailoa ai o le a leai se setete o Palesitina ma ia faailoa foi e manino lana faamatalaga i atunuu ia ua lagolagoina le setete o Palesitina ua o latou tuuina se faailoga tele i faiga faatupu faalavelave.
E silia ma le 140 isi sui o Malo Aufaatasi ua mae’a faailoa lo latou lagolagoina o le setete o Palesitina.
Puna o Faamatalaga: https://edition.cnn.com/2025/09/21/world/palestinian-state-uk-canada-australia-intl
