Ua toe valaau ane le kapeteni o le Manu Samoa, Michael Alaalatoa e lana kalapu Farani o Clermont, ma ua lipotia ua toe aga’i iai i le vaiaso nei.
O lona uiga o se tasi lea o tulaga ua tula’i mai i le ‘au a o loo sauni atu e taaalo ma Chile i le faai’uga o le vaiaso mo se avanoa i le Ipu o le Lalolagi.
O le taimi nei e pei ona lipotia e le RNZ, ua leai le alii o Tuna Tuitama ma le flanker, o Taleni Sau ona o loo faamālōlō mai taaloga talu ai o le Pacific Nations Cup.
O le kapeteni sa iai o le ‘au o Theo Macfarland ua toe foi atu i lana kalapu i Egelani ina ua mae’a le taaloga ma Tonga ia Aokuso.
E ui i lea, o loo faailoa e ala i faamatalaga i luga o upega tafa’ilagi – le facebook a le Manu Samoa, o loo lelei toleniga a le ‘au mo le toe aga’i atu mo le latou taaloga i le faai’uga o le vaiaso.
O ai lava le ‘au o le Manu Samoa ma Chile e mālō i le fetauiga lea, o le ‘au lava lea o le a maua lona avanoa i le Ipu o le Lalolagi 2027.
Puna o Faamatalaga: https://www.rnz.co.nz/international/pacific-news/574158/manu-samoa-lose-captain-ahead-of-rugby-world-cup-2027-qualifier
