I se lipoti lata mai o le Koviti-19 pei ona faamatuu mai e le soifua maloloina i le aso ananafi ua iloa ai e 12,202 i latou o loo aafia i le Koviti-19 i le taimi nei, ma o le aofaiga lea faamauina mai le piliota amata mai i le aso 27 o Mati seia oo mai i le aso 2 o Aperila.
Ua faamauina foi e toa 14 na maliliu e iai sootaga i le faamai i totonu lava o le piliota lea.
O le vaiaso talu ai sa lipotia ai e 11,258 tagata aafia lona uiga ua iai se faasiliga i le vaiaso nei i le aofai o tagata aafia i le faamai.
E toa 220 gasegase o le koviti o loo taofia i le falemai i le taimi nei e faatusa i le 211 sa iai i le vaiaso talu ai.
Ta’ua i le lipoti e talu ona amata aafia Niu Sila i lenei faamai tele ua oo atu nei i le silia ma le 2.2 miliona o tagata ua maliliu i le atunuu.
