O lē sa avea ma Peresetene o Farani o Nicolas Sarkosy ua faasala nei i le lima tausaga i le falepuipui ina ua faamaonia le solitulafono i se taupulepulega e faatatau i se matāupu e aofia ai le faitau miliona o Euros mai le ta’ita’i sa iai muamua o Libya o Muammar Gaddafi.
O le faamasinoga faasolitulafono a Pale na fai le latou faai’uga e soloia uma isi ona moliaga e aofia ai le faatino o amioga lē faamaoni atoa ma le faatupeina o campaigns i se tulaga faasolitulafono.
O lona uiga la o le faai’uga ua faamatuu ane e le faamasinoga o le a falepuipui ai e tusa lava pe fai sana apili.
Ua 70 tausaga o le soifua o Sarkosy ae na ia faailoa i le BBC o le faai’uga o se tulaga ogaoga lea i le pule a le tulafono.
O lana mau, o le faamasinoga ua faapolokiki le faiga.
Puna o Faamatalaga: https://www.bbc.com/news/articles/cp98kepmj9lo
