Ua saunoa le Palemia o Lepanona o Nawaf Salam o ia e fia vaai i le pulega o iai nei a Amerika o o latou una’ia Isaraelu e agai ese mai ma nofoaga i le itu i Saute o Beirut.
Ua faaailoa e le CNN o le iai o le militeli a Isaraelu i le itu i Saute o Lepanona ua faalavelavegia ai taumafaiga a Beirut e toe faamautū a latou pulega i le atunuu.
O se maliega na faia i le tausaga talu ai na ogatotonu ai Amerika na mafua ai ona taofia vevesi i le va o Isaraelu ma le Hezbollah i totonu o Lepanona.
Ta’ua la e le Palemia o loo mau pea taofi a le Hezbollah i le maliega na faia e faamautū ai e na o le militeli a Lepanona o le a faataga i le atunuu ma ua lē tausia ai e Isaraelu lea vaega o le maliega.
O le finau ane a Isaraelu i le matāupu lea ua ta’ua ai e mana’omia lo latou iai ina ia faamautinoa e lelei ona o latou mata’itūina le tulaga o iai i le itu i Saute o le atunuu.Fai mai Nawaf Salam e mana’omia le o ese mai loa o Isaraelu, e lē o taeao ae o ananafi.
Puna o Faamatalaga: https://edition.cnn.com/2025/05/28/middleeast/lebanon-pm-nawaf-salam-us-israel-withdraw-latam-intl
