O le umi o se taimi o mālōlō a’oga a le fanau talu mai le tuuaga masani ma faaauau ai mo le fā vaiaso ona o le pepesi o le fiva o ponaivi, ua iai nei le faai’uga a le malo, a toe a’e a’oga i le masina fou, o le a leai se tuuaga masani mai le aso 26 o Setema e oo i le aso 14 o Oketopa lea e fetaui ma le lotu a tamaiti ae o le a faaauau pea a’oga.
Ua na o le Aso Gafua le aso mālōlō masani pe a mae’a le Aso Sa pa’epa’e o le fanau e mālōlō ai ona toe faaauau foi lea o a’oa’oga mo fanau uma a le atunuu se’ia oo i le tuuaga umi o le faai’uga o le tausaga.
O nisi o su’ega masani o le a lē faataunuuina e pei o su’ega o le tausaga 4, tausaga 6 ma le tausaga 10 ae faaauau lava le su’ega aoao mo le vasega tausaga 8.
Ua faailoa e le Faatonu Sili o a’oga ma aganuu, o tupe ua mae’a totogi mo le su’ega a fanau o le tausaga 10 o le a toe faafoi pe refund.
Afioga A’eau Chris Hazelman o le Ofisa Sili o le pulega o le matāgaluega o a’oga ma aganuu.
