E 10 itula e leai ai se suavai maua i se tasi o fale tele i le falema’i i Aukilani.
O le tala lea na sau ina ua liki le fale numera 32 i le falema’i tele i Aukilani i le afiafi ananafi ma o lea na tapē ai loa le sapalai o le suavai mai le ta o le 6 i le afiafi ananafi ae faasolo galuega faaleleia.
E oo atu i le 10 itula le umi e leai ai se suavai e sau mai paipa, ma i lipoti mai le falema’i ananafi, e lē aafia ai falelēta’ua, fire sprinklers faapea le sapalai i nisi o potu ona e ese ogapaipa o loo sau mai ai.
Ua faamaonia mai ai foi e le pulega o le falema’i ananafi, o le a lē aafia ai fua le auaunaga mo tagata lautele, ma pau le suavai o lea na motusia o le vai o loo sau mai paipa.
O le Building 32 o se tasi lenei o fale autū i le falema’i mo tagata matututa ma e iai potu fā’ata faapea potu mo tinā ma’itaga, ma o lea na faaaogā faguvai faapea vaivela e kiliva i gasegase mai lea taimi ananafi ma sau ai ma anapo.
Puna o Faamatalaga: Water leak at Auckland City Hospital building, supply out for 10 hours
