Ua faaauau pea ona faagasolo taaloga afeleti a kolisi maualuluga i le atunuu, ae ua lē faataunuuina le sailiga o le siamupini o siamupini lea e taualuga iai.
Ua faaalia e le Ofisa Sili o le matagaluega o a’oga ma aganuu, o le faatamala o le aosi o ulua’oga o loo tapenaina taaloga a fanau i kolisi maualuluga i le lē faamauina o se avanoa o le malae o le Apia Park i le aso 30 o le masina nei e faia ai lea sailiga siamupini, o le mafuaaga o le lē faataunuuina o le sailiga siamupini o taaloga afeleti e pei ona masani ai i tausaga ta’itasi.
Faaalia e le Ofisa Sili le afioga Aeau Chris Hazelman, ua uma ona taofi lea malaetaalo mo taaloga a le tatou Manu Samoa i le masina fou o Setema, o le mafuaaga lea o le lē toe maua o se avanoa o le Apia Park Stadium, mo le sailiga siamupini o taaloga afeleti.
