E fetaui le taimi e faia ai le filifiliga a le atunuu i lana palota tele ma le amataga o le masina o Setema e masani ona faagasolo ai polokalame o le Teuila.
O le mafua’aga lea ua faailoa ai e le Komiti Faafoe o le pulega o tagata tafafao mai fafo le lē taunuu ona faia o se Teuila i lenei tausaga ae ua taatia atu i se isi taimi.
Ua faailoa foi e le Komiti o le tauvaga o le Tausala Samoa o le sa’iliga o se tama’ita’i o le atunuu e avea ma Tausala mo le isi 12 masina, ua lē taunuu ona faatino ia Oketopa e pei ona sa fuafuaina, ae ua tolopō atu i le aso 9 o le masina o Novema o le tausaga nei.
O le masina o Setema e tatala ai le avanoa e faaulu ma lesitala ai ni tama’ita’i o le atunuu e fia auai i le tauvaga, o loo tapena ma faamaopoopo e le Anofale Productions.
