Ua leai mai le taitai o le ACT, David Seymour e la te galulue faatasi ma Winston Peters ma ua valoia ai foi e Seymour e lē toe tu mai Peters i le palota ia Oketopa.
O tala ia a Seymour i le taeao nei ma na ta’ua e le taitai e leai se palota faapolokiki a mea o fai mai ai o loo iai le avanoa o Peters e toe foi mai ai i le Palemene.
O ni saunoaga i le mae’a sau o le palota faapolokiki a le Newshub Reid poll anapo o loo maua e le National ma le ACT nofoa o le maota e osi ai se faigamalo, e pei ona iai le 63.
Mo le New Zealand First o loo saofai i le 4.1%.
Ae i le faapaseneina o nofoa o le maota, o le Labour ma le Greens e na o le 54 e maua ai ma afai ae faapipii iai ma le pati a Maori e 3, e lē ausia lava le 61.
Ae i le Palemia e fiafia iai tagata palota e foliga mai o Chris Hipkins lea o loo fiafia iai le toatele na i lo le taitai o le National, Christopher Luxon.
