E lē o gūgū ai le pati a Maori i le sau o le faasilasilaga a le taitai o le National, poo le ā lava le faaiuga o le palota tele o loo loma nei, e leai se avanoa e galulue ai pati nei e lua.

Fai mai Christopher Luxon, e lei mafaufau le tu na faia e taitai o le pati a Maori i totonu o le maota i le Aso Lua ma e le tutusa itu e taulai iai le faamuamua a le National ma le pati lenei a Maori.

Na tali mai ai le taitai tamaitai o le pati a Maori, Debbie Ngawera Packer, o ni saunoaga e faailogalanu toe faatu’iese.

A toe tepa i suesuega faapolokiki i masina talu ai, na sau ai e le o manino le momotu ese o le Labour poo le National foi mai le ono tulai mai e tauavea toatasi le malo, peitai e pei o le pati a Maori lea e tu ai i Ie va ina ia maua ai le atoaga o nofoa i le maota.

A o leai mai ai la le National i le pati a Maori, ae ina ua fesiligia le pati a Maori pe faamata e fia galulue ma le Labour, na tali le taitai alii o le pati a Maori, Rawiri Waititi, o ai lava le pati e fia galulue ma i latou ma toe faamuamua Aotearoa.