O le suiga poo le teuteuga i le faavae o le Atu Kuki ina ia tuuina iai ma le faamatalaga o le Atu Kuki o se atunuu Kerisiano, ua teena e le komiti faapalemene sa tagofia le matāupu ma ua faaupuina o se tulaga faailogatagata ma solia ai aiātatau faaletagata ma ua toe fautuaina ane ai ma se suiga e faia i le Tulafono e faatatau i faalapotopotoga faalelotu, le Religious Organisations Restrictions Act.

Ta’ua e le RNZ o le minisita o le va i fafo a le Atu Kuki o Tingika Elikana o le ta’ita’ifono lea o le komiti sa feagai ma le matāupu, na ia ta’ua o le fuafuaga o le teuteuga i le faavae e pei ona faailoa ua sa’ilia ai le amana’ia o le Atu Kuki o se atunuu Kerisiano ma faasā ai le faalauiloa atu iai o ni tapua’iga e lē Kerisiano.

Ua faia le faai’uga i le mae’a ona mata’itū o itu uma o finauga ma ua fautuaina ai ma le toe suia o nisi tulafono o loo aofia ai i le matāupu lava lea i aiātatau a tagata.

Ua faailoa foi i le lipoti le finagalo faaaliga o le sosaiete tau le tulafono a le Atu Kuki, le law society lea e finau ane latou o le pule a le tulafono, e tatau ai ona apalai le tulafono ia talafeagai ma tutusa mo tagata uma e aunoa ma se faailogatagata.

Puna o Faamatalaga: https://www.rnz.co.nz/international/pacific-news/561899/cook-islands-christian-nation-proposal-rejected