E ui e le’i maua se feiloa’iga a tusitala ma ta’ita’i o patī faaupufai o le Samoa ua Potopoto, le vaega e puipuia aiā tatau a tagata, ma le Faatuatua i le Atua Samoa ua Tasi ina ua mae’a le faigā filifiliga a le atunuu, ae o lea ua laumanu’ia se tapenaga o ni tagi e oo i le 20 o le a faaulu i le faamasinoga e māfua i moliaga o faatosina solitulafono e māfua mai i le palota ua mae’a.
Ua faailoa se finagalo o le ta’ita’i o le vaega e puipuia aiā tatau a tagata i auala o faasalalauga a le Newsline ma faailoa ai e le susuga Tuilaepa Lupesoliai Sailele Malielegaoi ni tuua’iga o tupe sa tufa e nisi o sui tauva a o le’i talaia faitoto’a o falepalota e 430 i le Aso Faraile ua mavae.
O lea foi faasalalauga a le Newsline sa faatalanoa ai le sui ta’ita’i o le patī e puipuia aiā tatau a tagata ma le failautusi o lea vaega faaupufai i le taunuuga ua taoto ai nei le faigāpalota aoao a Samoa.
Le tofa Lealailepule Rimoni Aiafi ma le tofa Fonotoe Nuafesili Pierre Lauofo Meredith o le vaega faaupufai e puipuia aiā tatau a tagata.
