O le uma ai o le ola o le alualutoto e na o le 10 masina lona matua, le pepe o CJ White, ina ua fasiotia e lona tamā o se tagata e pulea e le fualaau faasāina o le aisa, ua ta’ua i le lipoti a le foma’i e faia ta’otoga o tino maliu, sa tatau ona faasaoina ma puipuia mai le ola o si nei tamaitiiti pe ana gaioi leoleo ma le Oranga Tamariki e tusa ma lapata’iga na aioi ane iai lona aiga sa matuā fefefe i se mea e ono oo i le ola o si nei alualutoto.
Ta’ua e Coroner Mary-Anne Borrowdale, o le lē lelei ona faatino o galuega a lenei faalapotopotoga ua iloa ai nisi o faaletonu o loo iai i le system aemaise le gaioi o nei pulega e tusa o taimi na faatagisia ai e lenei aiga se fesoasoani a o popole i le tulaga lamatia na iai le ola o le tamaitiiti.
O le tausaga e 2019 i le aso 10 o Iulai o loo ta’ua na uma ai le ola o CJ mai ni manu’aga i lona ulu mai le aso na tuana’i atu na faapogaia nei manu’aga e lona tamā, o David Grant Sinclair.
Sa tetee Sinclair e le’i iai sona mafaufau e faia ni gaioiga e faamanu’alia ai CJ, peita’i e tele isi manu’aga sa maua i le tino o le tamaitiiti ma gau se ponaivi o lona vae e ese mai manu’aga i lona ulu.
Ua faasalaina nei Sinclair e soloatoa i le falepuipui, i le umi e 17 tausaga faato’ā agavaa e talosaga mo se palola, ina ua faamaonia lana solitulafono o le fasioti tagata faamoemoeina.
Puna o Faamatalaga: https://www.newstalkzb.co.nz/news/national/coroner-agencies-failed-to-protect-baby-boy-who-was-murdered-by-meth-addicted-dad/a
