I tapenaga a le malo mo le toe amata faamatuu atu o tupe o le poloketi miliona i itumalo, o le vaiaso nei na amata ai ona faamautū maliega a nisi o ta’ita’ifono ma latou komiti ma le Matāgaluega o Tinā ma Tama’ita’i, Atina’e o Afio’aga ma Aga Fesoota’i mo le amata tuuina iai o vaevaega o le tasi tesimale valu miliona tālā mo galuega o le tausaga faaletupe o loo faagasolo, lea ua faamoemoe e mae’a i le faai’uga o le masina o Iuni o le tausaga nei.

Faaalia e le Palemia i le fono ma tusitala i le faai’uga o le vaiaso ua mavae, e 30 itumalo ua mae’a tuuina atu a latou lipoti ma tapenaga o atina’e o le a amata faaaogā iai le tasi tesimale valu miliona tālā.

Ae i se finagalo o le minisita o loo iai le vaaia o le poloketi le afioga Moefaauouo Julius Ah Kui Tafuna’i ua ia faailoa ai o le 150 tālā e tufa o le faamāmā avega mai le poloketi o le miliona tālā mo le toe a’e o a’oga.

Minisita o le Matāgaluega o Tinā ma Tama’ita’i, Atina’e o Afio’aga ma Aga Fesoota’i, Afioga Moefaauouo Julius Ah Kui Tafuna’i.