Ua toe pu’eina nei foi e leoleo lē sa avea muamua ma Peresetene o Korea i Saute o Yoon Suk Yeol e mafua lava i lana gaioiga na faia i le tausaga talu ai sa ia taumafai ai e pulea faamiliteli le atunuu.
O le toe tuu ane e se Faamasino sinia o le Faamasinoga Faaitumalo a Seoul, o le poloa’iga e pu’e ai Yeol, o lea ua mafua ai ona toe pu’eina.
O loo feagai lea alii ma moliaga i ana gaioiga e pei ona ta’ua, o moliaga e aofia ai le solia o aiaiga e faatatau i aiā tatau a sui o le Kapeneta e ala i le lē valaauliaina o i latou ia i se fonotaga na faia a o le’i faaofi ane pulega faamiliteli i le atunuu.
Na mua’i pu’eina ia Ianuari i le mae’a o se faataututuuga umi ma leoleo i lona fale i Seoul ae na toe tatala i tua i le mae’a o le lua masina ina ua suia le faai’uga a le faamasinoga e fua i nisi o matāupu e faatatau i masini.
Afai ae faamaonia le solitulafono a Yeol o lona uiga e ono falepuipui i le olaga atoa poo le feagai foi ma le faasalaga oti.
Puna o Faamatalaga: https://www.bbc.com/news/articles/cd97ez54dlyo
