Ua faagasolo le palota faavavevave a le atunuu o Korea i Saute e sa’ilia ai so latou Peresetene ina ua mae’a ona faamālōlō le Peresetene talu ai o Yoon Suk Yeol ona o le matāupu na aofia ai sa ia taumafai ai e faatino pulega faamiliteli i le atunuu.
O le faigāpalota la ua faagasolo ua lipotia mai e le BBC e to’alima i latou o loo faia iai le faiga filifiliga ma o loo aupito maualuga le aofa’i o tagata e manatu o le ta’ita’i o le Itu Agai o Lee Jae Myung e ono manumālō.
O loo i se tulaga fevaevaea’i le atunuu talu mai le Peresetene talu ai ma lana faigamalo ma o le molimau a nisi o le aupalota i le taeao analeila i le BBC, e faigatā tele le faiga filifiliga lea o loo faamoemoe iai le lumana’i o le atunuu auā e to’atele o loo popole i le tulaga lē mautonu o loo iai nei pulega i totonu o Korea i Saute.
O loo talotalo le to’atele ia avea se isi ta’ita’i o le a tula’i mai e fo’ia ai le mau faafitauli o loo feagai nei ma le atunuu.
Puna o Faamatalaga: https://www.bbc.com/news/live/ce81gnvzmr6t
