O loo lipotia i le 9News o le ta’ita’i o Korea i Mātū o Kim Jong Un sa ia faatonutonuina le faata’ita’iga o le tafanaina o nisi ‘auupega fana mamao anti-air missiles a lona atunuu ma faalautele ai agavaa tau militeli o ana vaegā’au a o faia ane foi faata’ita’iga a Korea i Saute ma Amerika.
O le Korean Central News Agency a Korea i Mātū na o latou faailoa i le 9News o faata’ita’iga ia ua iloa ai o ‘au’upega fou ia e aogā tele i le tali atu i faamata’u e pei o drones ma cruise missiles.
E lē o faamanino maia e le lipoti faamatalaga au’ili’ili i missiles fou sa faata’ita’ia ma le nofoaga na faata’ita’i ai ma e le’i ta’ua ai foi ni faamatalaga na faia e Kim Jong Un faasaga ia Uosigitone poo Seoul.
E faia faata’ita’iga ia a Korea i Mātū ae o loo aga’i ane le Peresetene fou o Korea i Saute, Jae Myung i sana malaga i Tokyo o loo feiloa’i ai ma le Palemia o Iapani, Shigeru Ishiba e faatalanoa auala e faamalosia atili ai a la faiga faapaaga faatasi ma le malo tele o Amerika.
Puna o Faamatalaga: https://www.9news.com.au/world/north-korea-kim-jong-un-missile-test/9f7ffd2e-f922-43ac-80aa-0ceac83fb0a9
