Ua ave ane e Korea i Matu se tasi o ana vaatau fou ua faaleagaina i se uafu e lata ane i le tuaoi ma Lusia ma o se gaioiga fai mai nisi o loo mata’itūina lea matāupu, e i’u ina uma ane ua lipea e Moscow lea vaa.
O ata mai le satelite sa maua e le aufaasalalau i le Aso Sa o loo iloa atu ai le vaa lea e le’i tuuina iai se igoa auā o le vaatau fou, ua taula i le uafu o Rajin e tuaoi tonu ma Lusia.
Sa faaletonu le vaa ona o se faaletonu na tupu i le taimi na sauni ai e faalauiloa ma amata faaaogā.
Na faatonuina ai loa e le ta’ita’i o Korea i Matu, Kim Jong ua lē toe lipeaina o le vaa ma o ituaiga lipea ia e ono mana’omia ai se fesoasoani mai atunuu i fafo mai o Korea i Matu aemaise i faiga faaonaponei.
Ua lipotia i le 9News e manatu la i latou o loo mata’itūina lea matāupu e le taumate o le a faalagolago loa Kim Jong Un i lana uo o Putin e fesoasoani ane i le lipea lea auā o lea ua iai tonu le vaa i lo la tuaoi aemaise le feta’ua’ina o le faitau miliona o meatau, e aofia ai loketi ma ‘au’upega fana mamao na fesoasoani ane ai Kim ma lona atunuu ia Lusia i le taua ma Ukraine.
Puna o Faamatalaga: https://www.9news.com.au/world/satellite-images-show-damaged-north-korean-warship-moved-to-drydock-near-russian-border/7e1652b1-9f5b-4ded-aff5-aa9dede7296a
