Mo le ulua’i taimi lenei talu ona pepesi le Koviti-19, ua faailoa mai ai e le ‘ausu’esu’e sa feagai ma le su’esu’ega o le faama’i ua o latou mauaina faamatalaga sa natia a Korea i Matu e faatatau i le feagai ai o nisi o ona tagata ma le faama’i.

Na ta’ua i le lipoti a le CNN e ui o loo finau mai pea Pyongyang mo le silia i le lua tausaga e faapea e le’i iai lava se tasi na aafia na solia aiaiga tau i tuaoi o le atunuu, peita’i ua lipotia le maua o nisi lipoti fou ua ta’ua ai le tele o nisi na gasegase ae le’i togafitia i totonu o le atunuu ae le’i ta’ua lava i lipoti muamua.

O lea lipoti fou e 26 itulau o loo faamaumauina ai faamatalaga o tagata na maliliu ma faamatalaga o foma’i sa le tautatala sa’o i gasegase aemaise foi le faigāmalo.

O lea lipoti ma faamatalaga o loo aofia ai na aoina mai i faatalanoaga ma feutana’iga le aloa’ia ma e aofia ai itumalo e 9 o le atunuu, ua faailoa ai e le isi faufautua sa iai o le Fale Pa’epa’e o i’uga ua ta’ua i lenei su’esu’ega ua iloa ai le faia’ina o le faigāmalo a Korea i Matu i le faatinoina o ni gaioiga mo tagata i le taimi o le faama’i.

Na faailoa ai foi se tasi o tagatānuu na aofia i le su’esu’ega e foliga o lo latou atunuu e mafai ona o latou fausia ‘au’upega niukilia ae lē mafai ona o latou tuu ane ni tuipuipui mo ona tagata.

Puna o Faamatalaga: https://edition.cnn.com/2025/06/18/asia/north-korea-covid-report-intl-hnk