Ua saunoa le peresetene o Kiribati, o Taneti Maamau e lē fetaui le soona faatelē e Winston Peters o le matāupu i le lē mafai ona o la feiloa’i i le amataga o le tausaga nei.
Faailoa e le RNZ o Maamau e lē gata o le Peresetene o Kiribati a o ia foi o le minisita o le va i fafo a le atunuu, o loo iai nei o ia i Honiara i le fonotaga a le Pacific Islands Forum lea o loo iai faatasi foi ma le Palemia o Ausetalia ma Niu Sila.
O le amataga o le tausaga na faamaonia ane ai e Winston Peters i le RNZ o loo iloilo nei e Niu Sila polokalame i totonu o Kiribati lea e faaalu ai tupe ae lē o maua se avanoa e feiloa’i ai ma i latou o loo ta’ita’ia ia auaunaga.
O le vaiaso nei la na maua ai le avanoa o Maamau e feiloa’i ai ma le Palemia o Niu Sila a o iai i le fonotaga ma ina ua fesiligia Luxon pe o le a faamālōlō le fesoasoani tau tupe a Niu Sila ia Kiribati, na faailoa e le alii Palemia o loo galulue ai sui o malo i lea matāupu ma atonu foi e ono iai se avanoa o Peters e feiloa’i ai ma Maamau a o iai i Niu Ioka ae ina ua feiloa’i ma le Palemia o Kiribati, ua ia malamalama ai i le tulaga o iai foi lea atumotu ma lu’itau o loo feagai ma ona ta’ita’i.
Puna o Faamatalaga: https://www.rnz.co.nz/international/pacific-news/572734/new-zealand-noise-over-kiribati-funding-cut-not-fair-maamau-says
