E faitau afe tagata Kiribati o loo aumau i Aotearoa o loo latou faamanatuina i le vaiaso nei le vaiaso faapitoa mo le latou gagana. Kiribati language week lea ua 5 ai lenei o tausaga o faaauau pea lona faamanatuina.
Na amata i le sauniga i le aso na tea nei i Ueligitone sa auai faatasi ai sui mai le matagaluega o Tagata Pasefika, le pulega poo le National council a Kiribati i Niu Sila ma isi.
O le autu o le tausaga nei ua unaia ai tagata ia faaaloalogia a latou tu ma aga.
O Kiribati o se atumotu o loo i le itu i matu o Niu Sila ma pe a ma le 130 afe ona tagata ae lava i le 4 afe tagata e iai tupuaga Kiribati o loo aumau i Niu Sila.
E tele polokalame o loo faamanatu ai le vaiaso o le gagana Kiribati ma e fa’atāua ai foi ma le faamanatuina o lo latou tutoatasi i le aso 12 o le masina nei lava, e atoa iai le 46 tausaga talu ona pulea e latou i latou lava mai pulega a le United Kingdom.
Puna o Faamatalaga: https://www.rnz.co.nz/international/pacific-news/566182/aotearoa-s-i-kiribati-community-honours-language-and-culture
