Ua matua’i lē fiafia le Itu Agai a Kiribati ma ua faaleo ai lo latou lē taliaina o le mumusu o le malo e faafinau le matāupu e faatatau i le faamālōlō lē tumau o le Faamasinoga o Apili a le atunuu, mai le silia i le 2 tausga talu ai.
I le faai’uga o le 2022 na faalēaogāina ai e le Faamasinoga o Apili le ulua’i poloa’iga a le Faamasinoga Maualuga ina ia aveesea ai le faamasino o David Lambourne ma toe faatonuina ai le Faamasinoga Maualuga ia toe faafoi Lambourne i lona tofiga sa iai ona e lē tusa ma le faavae le latou faai’uga na faia.
Fai mai le faamatalaga mai le ofisa o le Peresetene Taneti Maamau, o le latou popolega ona ua vaaia le faaauau pea o osofa’iga a nisi o faamasino i poloa’iga a le tulafono ma le mumusu e faaaloalogia le faavae.
Fai mai le Itu Agai, o nei taumafaiga uma ina ia ‘alofia ai le faia o le amiotonu ma faatuai le faai’uga e faia i se tasi lenei o matāupu o loo aga’i tonu i le faavae o le atunuu ma le tulafono.
O loo ta’ua foi i isi lipoti a le leitio faavaomalo a Niu Sila o le ta’ita’i o loo iai nei o le Itu Agai a Kiribati, o le faletua o le alii loia o David Lambourne.
Puna o Faamatalaga: https://www.rnz.co.nz/international/pacific-news/571488/kiribati-opposition-furious-as-government-ignores-court-of-appeal-fiasco
