O se tasi o tagata iloga i le finauina o aiā tatau a tagata i totonu o Kenya, ua faasa’oloto mai nei mai le falepuipui i le mae’a o ona moliaga o le umia faasolitulafono o ‘au’upega.
O Boniface Mwangi na pu’eina i le faai’uga i le vaiaso ona o sootaga i le galulue soosoo faatasi i le faatinoina o gaioiga faatupu faalavelave aemaise i tetee na faatino i le aso 25 o Iuni.
Ina ua tula’i Mwangi i le faamasinoga e tali i tuua’iga faasaga ia te ia, fai mai le CNN o le faamatalaga a Mwangi e faapea ua iloa tele o ia o se tagata e finau mo aiā tatau ae lē o se terorisi.
Na ia ta’ua foi o ia e lē fefe ma na pau le mea e mafai ona taofia mai o ia o se pulufana i lona ulu se’i tulou.
Ta’ua e Mwangi o le faigāmalo o loo iai nei i le atunuu e lē o galulue mo tagata.
Puna o Faamatalaga: https://edition.cnn.com/2025/07/22/africa/kenya-crackdown-on-protests-latam-intl
