O loo faagasolo i Kanata i le vaiaso nei le fonotaga a le G7 lea o loo aofia ai le tele o ta’ita’i o atunuu tetele o le lalolagi e aofia ai ma Ausetalia.
O le Palemia o Anthony Albanese o le a feiloa’i atu ai mo le ulua’i taimi i le Palemia fou o Kanata o Mark Carney ma o le a faia foi sa la fonotaga.
Faailoa e Albanese o Kanata le tasi paaga tele a Ausetalia i tulaga tau inivesi ma e ono iai le avanoa e faalautele ai lea tulaga.
Sa lipotia muamua e le 9News se fuafuaga e faia se fonotaga a Albanese ma Trump a o iai i le faamoemoe lea o le G7 peita’i i lipoti aupito lata mai e foliga ua lē taunuu lea fonotaga ina ua fetaua’ina i lipoti le vave aga’i ese mai o Trump mai le fonotaga ona o le tulaga o loo tula’i mai i Sasae Tutotonu.
Fai mai le sooupu i le ofisa o Albanese e malamalamagofie lea tulaga ma le mafua’aga ua lē taunuu ai le fonotaga sa fuafuaina.
O le isi matāupu tāua sa tulituliloa e le to’atele pe ana oo le feiloa’iga a Trump ma Albanese, o le matāupu e faatatau i le maliega a le AUKUS poo fea tonu ua taunuu iai le iloiloga a le alii Peresetene sa lipotia mai le faataunuuina i lea maliega i le vaiaso talu ai.
Puna o Faamatalaga: https://www.9news.com.au/world/donald-trump-anthony-albanese-meeting-in-doubt-after-white-house-announces-early-g7-departure/2a1d579c-528d-451e-9760-62be996785f5
