O le vaalele na aveina ane ai le Peresetene o le Komisi a Europa o Ursula Von der Leyen ua lipotia sa taula’i iai nisi gaioiga e faaaogā ai faiga faaonaponei, GPS Navigation Jamming a o taumafai le vaa e tulaueleele i Bulgaria i le Aso Sa.
O le faamatalaga lea a se sooupu mai le Komisi sa faia i le CNN.
Fai mai na maua e le komisi ni lipoti mai leoleo a Bulgaria o loo latou masalomia o le gaioiga lea e tau faalavelavegia ai le faagaioia o le vaalele, sa faatino e Lusia.
O loo teena e le Kremlin a Lusia ia tuua’iga ma le latou faamatalaga e lē sa’o ia faamatalaga.
Na taunuu saogalemu le vaalele ina ua faaaogā e pailate isi tulaga sa avanoa ane.
O loo faatalia se faamatalaga au’ili’ili mai le ‘ausu’esu’e a Bulgaria poo le ā tonu le tulaga na tupu ae pe faamaonia foi e iai se sootaga o lea gaioiga ia Lusia.
Puna o Faamatalaga: https://edition.cnn.com/2025/09/01/world/plane-ursula-von-der-leyen-intl
