O le paketi ua sainia e le Iuni a Europa mo fesoasoani i le Pasefika ua faalauiloaina nei ma e aofia ai ma se $70 miliona mo teritori o Farani i le Pasefika.
ih Fai mai le RNZ o le French Pacific Overseas Countries and Territories latou te mauaina le tusa ma le 70 miliona tālā Niu Sila mai lea paketi i lalo o le polokalame a le Iuni a Europa ua faaigoaina o le Global Gateway.
O vaega ua faaagaga iai le faaaogāina o lea paketi e patino i matāupu tau i le vasa, o suiga o le tau, si’osi’omaga, malosi’aga faamauina, o le suāvai mamā aemaise pulega lelei, matāupu tau faato’aga ma fefaataua’iga aemaise i le private sector.
Ua faailoa i le lipoti o atunuu Pasefika e penefiti mai lea paketi tau tupe e aofia ai Fiti, Papua, Tonga, Atu Solomona, Timor Leste, Tuvalu ma Kiripati.
Puna o Faamatalaga: https://www.rnz.co.nz/international/pacific-news/572759/eu-unveils-multimillion-dollar-pacific-aid-package-including-70m-to-french-territories
