A itiiti mai pe 20 tagata e aofia ai tusitala e to’alima e galulu’e i ofisa faasalalau faavaomalo, ua fasiotia i se osofa’iga a Isaraelu i le falema’i o Nasser i le itu i Saute o Gaza i le pitonuu o Khan Yunis e pei ona faamaonia ane e le matāgaluega o le soifua mālōlōina lea e faagaioia e le Hamas i lea itu o Gaza.
Fai mai le BBC o tusitala sa galulue i auaunaga e pei o le Reuters, AP, Al Jazeera ma le Middle East Eye lea ua maliliu faatasi ai ma tagata faigaluega a le soifua mālōlōina e to’afā pei ona faamaonia mai e le faauluuluga o le WHO.
Saunoa Netanyahu o loo faatino nei le su’esu’ega i le matāupu lea ae ua atoa iai le lata i le 200 o tusitala ua fasiotia i lenei vevesi talu mai Oketopa 2023.
E to’atele ua faaleo le lē fiafia i osofa’iga a Isaraelu ona o loo lipotia foi e aofia ai ma ni gasegase i ē na fasiotia.
Puna o Faamatalaga: https://www.bbc.com/news/articles/cp89rp48246o
