O le faai’uga a Isaraelu ina ia tapunia le vaega poo le tuaoi o Gaza e mafai ai ona aga’i le silia i le 3 miliona o tagata Palesitina i le West Bank e faimalaga faavaomalo, ua atili faapopoleina ai tagata Palesitina aemaise popolega i nisi sa ono toe tuu ane e Isaraelu e tali ane ai i le amana’iaina o le setete o Palesitina e atunuu mai le itu i Sisifo o le lalolagi.
O le tapunia foi o lea vaega o Gaza ua lē mafai ai e isi tagata Palesitina ona toe oo ane iai aemaise ua tuueseese ai foi ma aiga Palesitina ma e lē o mautinoa poo afea o le a toe tatala ai lea tuaoi.
O le molimau a nisi tagata Palesitina na talanoa ma le BBC ua ta’ua ai ua matua’i lē iloa le gaioiga o le a faia ona ua tuueseese ma aiga ma leai se fesoota’iga.
E lē o faailoaina mai e Isaraelu le māfua’aga ua faia ai lea faai’uga faatopetope o le tapunia o le tuaoi.
Pau le itu ua mautinoa e nisi o le tali atu lea a Isaraelu i atunuu o loo lagolagoina le faia pea o le setete o Palesitina.
Puna o Faamatalaga: https://edition.cnn.com/2025/09/24/middleeast/allenby-crossing-west-bank-palestinians-intl
