O le United Kingdom ma isi atunuu ua o latou tetee i le fasiotia e Isaraelu o tagata lautele i Gaza, o tagata sa aga’i atu e sa’ili fesoasoani.
Ua valaau ai nei ia atunuu ia Isaraelu ina ia faamuta loa le taua i Gaza lea ua o latou faaalia ua tele tagata lautele ua aafia ai.
Fai mai le BBC o le faamatalaga a le Matāgaluega o le Soifua Mālōlōina a Gaza ua ta’ua ai e silia ma le 100 tagata Palesitina na fasiotia e Isaraelu a o faatalitali mo ni taumafa i nofoaga e tufatufaina ai ia fesoasoani ma taumafa a o isi ua maliliu lava e mafua i le fia aai.
O loo teena e Isaraelu ia faamatalaga ma ta’ua ai e mamao ma le mea moni ia faamatalaga ma e sese le fe’au o loo tuuina atu i le Hamas.
Puna o Faamatalaga: https://www.bbc.com/news/articles/c4g814gy2e7o
