Ua lapata’i mai le ta’ita’i’au o le militeli a Isaraelu ma ta’ua ai lo latou faatonutonuina atoa o Gaza.

O faamatalaga ia ua ta’ua e le CNN e fua i ni sources se 3 o loo latou silafia faatalanoaga e faatatau i le matāupu a o iloilo ai e le Palemia le faatonutonuina o Gaza.

Ta’ua e le CNN o se faatalanoaga na faia ma sui e to’alua o le militeli ma le ta’ita’i o vaega’au tau le puipuiga ua tuuina ane ai le faamatalaga lea.

Saunoa ai le faauluuluga o le militeli a Isaraelu, Eyal Zamir o lea gaioiga o le a ono siitia ai se avega mo vaega’au a Isaraelu.

Fai mai o le fuafuaga ia faataamilo i le aai mo le sa’ilia o tagata o loo ave faapagota i Gaza.

O le Aso Tofi ua lipotia o le a faia ai se feiloa’iga a le Kapeneta a Isaraelu ma Netanyahu ina ia maua ai le lagolago atoa mo lea gaioiga.

Ua mae’a faailoa e le fitafita a Isaraelu e 75 pasene o Gaza ua o latou faatonutonuina i le mae’a o le 2 tausaga o faia pea le taua.

Puna o Faamatalaga: https://edition.CNN.com/2025/08/06/middleeast/israel-gaza-conquest-military-netanyahu-intl