O le fitu ai lenei o aso o faaauau pea fetauiga i le va o Isaraelu ma Iran ma ua faatino ai se fonotaga a le alii Peresetene o Amerika ma lana faigāmalo poo le ā tonu le tulaga o le a iai latou ma le vevesi lea pe auai ai pe leai.
Fai mai nisi o sources faamoemoeina na faailoa ane i le CNN, e lē o mana’o le Peresetene e faaumiumi le vevesi lea ma e manatu Isaraelu e na o Amerika e mafai ona vave faamuta ai mana’oga tau niukilia a Iran.
Ua mae’a ona faailoa ane e le ta’ita’i o Iran, o Ayatollah Khamenei o le a ia lē siilima ma o soo se gaioiga faamiliteli a Amerika e faia ane o le a faai’u i ni tulaga e lē mafai ona toe faaleleia.
Fai mai lipoti ua mae’a iloiloina e Trump fuafuaga mo ni osofa’iga e ono faia ia Iran ae o loo taofia pea se faai’uga a o mata’itū ai gaioiga a Iran.
A o mafaufau ai la Trump ma faia fonotaga ma ana faufautua ma le faigāmalo, ae lē o mālōlō fetauiga o loo faatino pea nei lava i ogaeleele o Isaraelu ma Iran ma o loo faaopoopo pea tagata maliliu ma manunu’a.
Puna o Faamatalaga: https://edition.cnn.com/world/live-news/israel-iran-conflict-06-18-25-intl-hnk
