E faitau afe tagata ua solo tetee ma potopoto ane i Hostage Squre i Tel Aviv ma faailoa ane ua silia ma le 300 afe tagata o loo auai i lea solo tetee.
Ua ta’ua i lipoti ua latou poloka auala, tapunia pisinisi ma ua faia foi savali i aai tetele o Isaraelu.
O le mafua’aga ona o loo latou valaau pea i le faigāmalo a Isaraelu ina ia faamautū le faasa’olotoina ane o pagota e 50 o loo taofia pea i Gaza.
Ta’ua e le CNN ua iai le ‘autetee i fafo ane o fale o minisita o le faigāmalo.
O aiga o i latou o loo aveina faapagota, o loo ta’ita’ia solo tetee ia ma o palota faata’ita’i o loo faia e uiga i le matāupu lea o loo faailoa ai le lilifa o le lagolago a tagata i le faia o se maliega e taofia ai loa vevesi ma faasa’oloto mai tagata uma o loo ave faapagota ma ia faamuta loa le taua.
Fai mai le mau a le ‘autetee ua o latou tutū faatasi e faailoa atu le latou mana’oga lava lea e tasi i le faigāmalo a Isaraelu, ua tatau loa ona faauma le taua ma faasa’oloto mai tagata o loo aveina faapagota.
Puna o Faamatalaga: https://edition.cnn.com/2025/08/17/middleeast/israel-protests-hostage-deal-gaza-intl
