O se osofa’iga a Isaraelu i le aai o Gaza i le po o le Aso Sa ua fasiotia ai tusitala e to’a 6 e pei ona faamaonia mai e le falema’i na auina atu iai i latou ia ma ua lipotia foi o loo aofia ai ma tusitala e to’afā a le Al Jazeera.
Ua faailoa e le militeli a Isaraelu i le lipoti a le CNN na taula’i a latou osofa’iga ma fasiotia ai le tusitala o Anas Al Sharif lea o loo latou tuua’ia i le ta’ita’ia o se isi vaega o le Hamas.
Ta’ua i le lipoti sa iai faatasi Sharif ma nisi tusitala i se fale’ie e lata i le auala e ulufale ai i se falema’i ae fasiotia loa.
O le komiti e puipuia tusitala le CPJ sa o latou ta’ua le iai o lo latou popolega ia Sharif peita’i o lea lava ua i’u ina maliu.
O faamaumauga mai le komiti lea ua ta’ua ai talu mai ona amata le taua i le 2 tausaga talu ai, ua oo atu i le 186 tusitala ua fasiotia ona o osofa’iga a Isaraelu.
Puna o Faamatalaga: https://edition.cnn.com/2025/08/10/middleeast/israel-strike-kills-six-journalists-gaza-jazeera-latam-intl
