O le to’alua o se foma’i Palesitina i Gaza, lea na fasiotia si ana fanau i osofa’iga a Isaraelu i Gaza i le Aso Faraile talu ai, fai mai o loo tigaina pea i le falema’i o loo tau togafitia ai.
Ua faailoa i se faamatalaga mai le BBC o loo tulaga faaletonu le soifua mālōlōina o Hamdi al-Najjar, fai mai o osofa’iga a Isaraelu na fasiotia uma ai le fanau e to’a 9 a lea tamā ae totoe ai na o ia ma le isi ona atalii sa faasaoina mai ai.
Ua faailoa e le militeli a Isaraelu o loo iloilo nei e latou le matāupu.
Na faailoa ane foi e le Koluse Mumu na fasiotia atu ai ma tagata e to’alua o lana aufaigaluega i lea osofa’iga i le faai’uga o le vaiaso.
O le fanau e to’aiva a si ulugalii lea ua fasiotia fai mai, e amata mai i le pepe e na o ni nai masina le matua se’ia oo i le tamaitiiti e 12 tausaga le matua, o lona uiga o nai fanauiti uma.
O loo faaauau pea osofa’iga a Isaraelu i totonu o Gaza.
Puna o Faamatalaga: https://www.bbc.com/news/articles/cp8djlg3zq5o
