Ua lipotia le taliaina nei e Isaraelu o se fuafuaga fou faatasi ma le Hamas ina ia faamuta fetauiga i lea itu o le lalolagi ma o le fuafuaga sa tuuina ane mai le sui o Amerika o Steve Witkoff e pei ona faamaonia ane e se sui o le malo o Isaraelu i le CNN.
Na faailoa e lea tagata o le fuafuaga ua iai ua valaau ai mo le faasa’olotoina o tagata e to’a 10 o loo taofia faapagota ma isi e to’a 18 na ave faapagota ma ua maliliu atoa ai ma le faataunuuina o lea fuafuaga i totonu o le 60 aso.
Faailoa i le lipoti lava lea a le CNN ua tali ane le Hamas i lea fuafuaga ma ni o latou foi mana’oga e faapea o le a malilie ane i le fuafuaga lea i le toe faasa’oloto ane o tagata o loo ave faapagota atoa ma le 60 aso e nofo filemu ai ma e manana’o foi i se faamautinoaga o ni fetuuna’iga e faia ina ia faamuta tumau ai loa fetauiga ma ia aua ne’i toe faaauauina vevesi i le mae’a o le 60 aso.
I le tali ane a le minisita o Tupe a Isaraelu i le fuafuaga lea na ia ta’ua ai e le ta’ita’i ona ia taliaina se tulaga faapea peita’i o le ta’ita’i o le Itu Agai a Isaraelu o Yair Lapid, na ia una’ia le Palemia o Netanyahu ia talia loa le fuafuaga ma ia faatino loa.
Puna o Faamatalaga: https://edition.cnn.com/2025/05/29/world/israel-us-proposal-ceasefire-hamas-latam-intl
