Ua faailoa e le Palemia o Isaraelu o Benjamin Netanyahu e tele avanoa ua matala ane talu mai osofa’iga faamiliteli a Isaraelu i Iran e aofia ai ma le avanoa e toe faafoi ane ai tagata o loo totoe na ave faapagota i Gaza.
O le saunoaga lea a Netanyahu na faia i le itu i Saute o Isaraelu ma ia faailoa ai e tatau foi ona silafia o loo fia faamae’a le matāupu i Gaza, faato’ilalo le Hamas ma e talitonu e mafai ona ausia uma ia faamoemoe e lua.
Fai mai le CNN o le taimi muamua lea ua atagia mai ai i faamatalaga a le alii Palemia le faamuamua o tagata o loo ave faapagota i Gaza auā o le tuana’i sa mātele lava ina ave le faamuamua i le faato’ilaloina o le Hamas.
O loo finau malosi ane foi Trump ia Netanyahu ia faia se maliega mo le taofia o fetauiga i Gaza.
Ua valaau nei le sui o Amerika Steve Witkoff mo le taofia o fetauiga mo le 60 aso ma ia faasa’oloto ane ai tagata o loo ave faapagota ma fefaasuia’i i latou na ave faapagota e lē gata mai Palesitina ae o Isaraelu foi.
Puna o Faamatalaga: https://edition.cnn.com/2025/06/29/middleeast/netanyahu-hostages-opportunity-iran-intl-latam
