Ua faailoa e Isaraelu ua fasiotia le sooupu a le Hamas o Abu Obeida i sa latou osofa’iga i Gaza.
Ua ave ai le faamalo a le minisita o puipuiga a Isaraelu Israel Katz i vaegā’au a Isaraelu ma le vaega o le puipuiga mo a latou osofa’iga.
E le’i faamaonia mai e le Hamas pe moni ia faamatalaga ae fai mai le BBC o loo ta’ua foi le maliliu ai ma nisi o tagata lautele ina ua osofa’ia e Isaraelu isi fale tetele i le itumalo na aga’i iai osofa’iga.
O lea osofa’iga na faia i le Aso Toonai na te’a nei a o faagasolo ai pea fuafuaga a Isaraelu mo Gaza.
Ua mae’a faailoa ane foi e Katz o le a taula’i foi isi a latou osofa’iga i isi e to’atele o paaga a Obeida sa o latou galulue faatasi.
Puna o Faamatalaga: https://www.bbc.com/news/articles/cm214r5rd29o
