Ua faailoa e Isaraelu i le vaiaso nei lo latou matua’i faanoanoa i gaioiga na o latou faia i le osofa’ia o le lotu Katoliko e tasi i totonu o Gaza lea ua ta’ua le maliliu ai o tagata e to’atolu.

O le faamatalaga mai faasalalauga i fafo ua ta’ua ai o le Ekalesia lea na aafia i osofa’iga a Isaraelu i le taeao o le asō ae o le lotu lea ua avea ma lavea’i mo nisi o le komiuniti Kerisiano.

O le faamatalaga mai le ofisa o le Palemia o Isaraelu e faapea ua matua’i faanoanoa Isaraelu i le mea ua tula’i mai ma ta’ua ai o ni ‘au’upega ua se na afua ai ona aafia lea lotu i osofa’iga ma o loo faia nei iai le su’esu’ega.

Ua ta’ua i le lipoti se faamatalaga mai le Vatikano e faapea ua matua’i faanoanoa lava le Tupusā ina ua faalogo i lea faalavelave.

Puna o Faamatalaga: https://edition.cnn.com/2025/07/17/middleeast/pope-leo-israel-strike-gaza-church-intl