Ua faalauiloa nei e Isaraelu e ala i gaioiga faamiliteli le tetee atu ia Iran ma ua folafola ai foi ma le iai o le atunuu i tulaga o poloa’iga o faalavelave faafuase’i e pei ona faamaonia ane e le Minisita o le puipuiga a Isaraelu o Israel Katz.

Lipotia mai e le CNN se faamatalaga mai le alii minisita lea e faapea ua talitali nei tagata Isaraelu e lē taumate o le a iai se osofa’iga faasaga ia i latou e faaaogā ai ‘au’upega fana mamao ma drones mai Iran.

O se vaega o le lipoti lea ua ta’ua ai e le ‘aufaasalalau i Iran le faalogoina o le pa leotetele ane o mea mai Tehran ma o loo talitalia nei se isi lipoti lata mai i le matāupu lea pe faamata o le a amata ane se taua i le va o ia atunuu e lua i Sasae Tutotonu.

Puna o Faamatalaga: https://edition.cnn.com/world/live-news/israel-iran-strikes-news-06-12-25-hnk-intl