A o sauni ai le Palemia o Isaraelu, Benjamin Netanyahu e aga’i atu i le Fale Pa’epa’e mo le taimi lona tolu i lenei tausaga, ua faamanino lelei ane e le Fale Pa’epa’e mea o loo faatalitalia mai lea feiloa’iga.
O loo talanoa soo ane ai le Peresetene o Amerika, Donald Trump i lona faanaunauga ia faamautūina le taofia o vevesi i totonu o Gaza ma ua ia faailoa foi o loo vaavaai iai e tatau ona tupu lea tulaga i le vaiaso fou.
Fai mai le CNN e ui o le a faamanatu e malo e lua osofa’iga na faia ia Iran peita’i o le matāupu lava ia Gaza o le a taula’i iai le feiloa’iga aemaise o le toe faafoi ane o i latou na ave faapagota i le taimi o fetauiga.
O le vaiaso nei ua ofo ane ai e Qatar se fuafuaga fou mo le taofia o vevesi i totonu o le 60 aso mo le Hamas ma Isaraelu e taofia ai fetauiga i Gaza.
O loo faatalia nei la se faai’uga o le fonotaga lea ua feta’ua’ina e faataunuu i le aso a taeao i le va o Netanyahu ma Trump ma lana faigamalo.
Puna o Faamatalaga: https://edition.cnn.com/2025/07/01/middleeast/israel-leadership-ceasefire-divisions-latam-intl
